ხელოვნური ინტელექტის განვითარების ახალ საფეხურზე შესაძლებელია ტექსტზე დაფუძნებული ვიდეოების შექმნა – ნებისმიერი შინაარსის ტექსტს გავუზიარებთ AI-ს და ის შექმნის მის ვიზუალურ გამოსახულებას. ხელოვნური ინტელექტის ტექსტზე დაფუძნებული ვიდეოების განვითარების ტემპი დღესდღეობით დემოკრატიზაციის გზაზეა და სიტყვების ვიზუალად გარდაქმნით ფილმების შექმნაშიც რევოლუციას ახდენს. ისეთი ტიტანები, როგორიცაა Google და Open AI, ერთმანეთს ეპაექრებიან, თუ ვინ იქნება ლიდერი ვიდეოების გენერირებისა და მათზე წვდომის ცვლილების საკითხებში.

კონცეფციის ეკრანზე გადატანა სულ რამდენიმე წამში

წარმოიდგინეთ, რომ ცხოვრობთ სამყაროში, სადაც მიმზიდველი ვიდეოების შექმნის ერთადერთი ლიმიტი თქვენი ფანტაზიის უნარი და რამდენიმე მარტივი სიტყვაა. მაღალგანვითარებული ხელოვნური ინტელექტის ფუნქციების წყალობით, ნებისმიერს შეუძლია შექმნას დინამიური სცენები, იყოს საკუთარი ფილმის ვარსკვლავი, ან თუნდაც შექმნას მთელი სიმფონიური ორკესტრი. ეს მიგვანიშნებს ახალ ეპოქაზე, რომელიც ნებისმიერ ადამიანს მისცემს შესაძლებლობას, რომ გახდეს რეჟისორი.

საგანმანათლებლო პროცესის გაუმჯობესება

ხელოვნური ინტელექტის შექმნილ ტექსტზე დაფუძნებულ ვიდეოს საგანმანათლებლო სექტორშიც დიდი ცვლილებების შეტანა შეუძლია.  მაგალითად, სტუდენტები ისტორიული მოვლენების ქრონოლოგიას ან სამეცნიერო პროცესს, ანიმაციურ ჟანრში გადმოსცემენ. მასწავლებლები კი გაკვეთილის  ახსნას მარტივი ვიდეოს შექმნით შეძლებენ,  რაც სასწავლო პროცესს უფრო მრავალფეროვანს გახდის. დინამიური გამოსახულების გამოყენებით, ისინი აბსტრაქტული ცნებების გაცოცხლებასაც კი შეძლებენ.  ამრიგად, ეს პრაქტიკა ჩაანაცვლებს ჩვეულებრივი, ტექსტზე დაფუძნებული ინფორმაციის სტრუქტურას ვიზუალური თხრობის მეთოდით.

ხელოვნური ინტელექტი – სოციალური ქსელები და თამაშების დიზაინი

რევოლუციის ეპოქის ეს გამოვლინება, ფაქტობრივად, არ შემოიფარგლება მხოლოდ პერსონალური ფილმებითა და საგანმანათლებლო სფეროთი. ვიზუალურ თხრობაზე ორიენტირებული ფუტურისტული სოციალური მედია ხელმისაწვდომი იქნება მომავლის ტექნოლოგიაში. მომხმარებლები საკუთარი იდეების, აზრებისა და საინტერესო მოვლენების ვიზუალიზაციას მოახდენენ, რაც კომუნიკაციის ახალ შესაძლებლობებს შექმნის.  გეიმინგის სამყაროც ფუნდამენტურ ცვლილებას განიცდის.  ხელოვნური ინტელექტის ვიდეო გენერირების ტექნოლოგიით მოთამაშეებს ექნებათ შესაძლებლობა თავად შექმნან თამაშები და მართონ გეიმინგის სამყარო კოდის წერისა და გრაფიკული პროგრამული უზრუნველყოფის ცოდნის გარეშე.

მომავლის ვიზუალური გამოხატულება

ხელოვნური ინტელექტის ტექსტზე დაფუძნებული ვიდეოები ნებისმიერ ადამიანს მისცემს საშუალებას შექმნას საკუთარი წარმოსახვის ვიზუალური პროდუქტი. შედეგად ისინი ძალიან მნიშვნელოვან ცვლილებებს შეიტანენ განათლებაში, კომუნიკაციასა და მრავალ სფეროში.